قصيدة مدح في الشيخ عبدالله بن محمد بن شعمل

[فلاح بن صالح]

السلام عليكم ورحمة الله وبركاته

قصيدة الشيخ الشاعر/ مقيت بن عبدالله أل عاطف القحطاني

في الشيخ / عبدالله بن محمد بن شعمل وفي قبيلة السهول

ركايبي حديتها للشمال=متعني للي يعز الرجال
له مجلس فيه الشحم والدلال=عبد الله بن محمد بن شعمل
راعي العلوم الطيبه كُلها=عبد الله الجزلات يندلها
مطنوخ والفزعات في حلها=سنه صغير وفي المراجل كمل
ابو محمد يا الله ان تحفظه=فعله جزيل الشعر ما يرفضه
يملى جزيل الشعر ويفيضه=فزعاته احلى من لذيذ العسل
لمر له طاري تشجعت به=قول صحيح ما تسرعت به
متقدم به ما تراجعت به=متشجع به ما نطقت بخجل
يا بو محمد طول الله بقاك=جيناك تقديراً لك ومن غلاك
عنيت لأمر الله ثم في رضاك=رجال في عيني تشابه جبل
فيك الكرم فيك احترام الرفيق=وابك الرفيق اللي اعتزى ما يضيق
من طيب كل من جدود عريب=يا كوكب المريخ ما دري زحل
على الوفاء يا شيخ رباك ابوك=وخوالك اللي من الوفاء طيبوك
وانا من اللي بالوفاء جربوك=ما باقي الا تصير مضرب مثل
يا بو محمد يا عزيز الخوي=فيك المراجل عدها للخوي
عسى وطنك من السحاب عشوي=يا طيب الوقفات قول فعل
ما هو غريب الطيب وانت سهلي=تاريخ ربعك بالجمايل ملي
قومٍ على العيّال تغلي غلي=فعولهم من عاد وقت الجهل
ربعك سهول طيبين النبا=عز الضيوف والخصيم حربا
وللمعضلات الكايدات ضبابا=مكانهم متعلي ما نزل
ربعك سهول بيّن صيتها=بين القبايل لا تناصيتها
اعدد الامداح ما حصيتها=الامداح فيكم يا سلايل سهل
بين القبايل كل منهم علم=اصغرهم تقول انه شيخ شمل
عوايدي ما قول غير الصحيح=ما شفت منهم ذا كف شحيح
سهول اهل فزعه وهبات ريح=في وقتنا الحاضر وقبل وقبل
سهول رفقتهم تسمى شرف=ما لا عرف يعلمه من لا عرف
كل الجزيره من طرف لا طرف=تجعل وقفتهم مكان ومحل
يقولها قحطاني ما كذب=ما يمدح الا الطيبين العرب
يطرب لتقدير النشامى في طرب=واللي لا حضر في واجبه ما جفل